Borgarhús tekur að sér að sjá um alla undirbúningsvinnu vegna niðursetningar frístundahúsa á lóð kaupanda, þ.e.a.s. gera undirstöður undir hús og palla, veg að hússtæði, koma veitulögnum öllum að húsi ásamt tengingum. Einnig niðursetning á rotþró og lagnir tengdar húsi og allan frágang eftir að húsið hefur verið híft á undirstöður. Gerð á undir stöðum getur verið breytileg eftir jarðvegi, í hraunlendi og grunnum jarðvegi notast forsteyptar einingar sem settar eru á þjappaða fyllingu. Aftur á móti þar sem jarðvegur er dýpri notast forsteyptar súlur. Borað er fyrir þeim. Breiðari endi niður og holan fyllt umhverfis súlu með frostfrírri grúsarfyllingu. Einnig kemur fyrir að hús eru byggð á staðnum og þá stundum á steypta plötu. Borgarhús veitir fólki ráðgjöf um hvernig bezt verði að hátta framkvæmdum m.v. aðstæður, sé þess óskað.